Make a donation Talk Fusion Saling Memberi

2. Ngarcana Dewa

Ida Ratu Sakeng Luhur
Kawula Nunas Lugrane
Mangda Sampun Titiang Tandruh
Mengayat Bhetara Mangkin
Titiang Ngaturang Pejati
Canang Suci Lan Daksina
Sami Sampun Puput

Pretingkahing Saji

Asep Menyan Majegau
Cendana Nuwur Dewane
Mangda Ida Gelis Rawuh
Mijil Sakeng Luhuring Langit
Sampun Medabdaban Sami
Maring Giri Meru Reko
Ancangan Sadulur
Sami Pada Ngiring

Bhetara Ne Sakeng Luhur
Ngegana Di Ambarane
Panganggene Abramurub
Parekan Sami Mengiring
Widyadara Widyadari
Pada Madudon Dudonan
Prabawa Kumetug
Angliwering Langit

Dibale Manike Luwung
Mepenyengker Ring Telagane
Kedagingin Tunjung Tutur
Tunjung Abang Tunjung Putih
Ring Madyaning Bale Alit
Ida Bhetara Mebawos
Nganggit Sekar Jepun
Sekarang Kabali

Ring Bale Emase Paum
Linggih Ida Bhetara
Bale Emas Ngrayab Murub
Upacara Sarwa Luwih
Leluhure Sutra Putih
Ida Bhetara Mebawos
Bawose Diluhur
Pacang Gelis Turun

Asep Pejati Wus Katur
Mendak Ida Bhetarane
Penegteg Lan Canang Arum
Canang Gantal Canang Sari
Parekan Pada Menangkil
Pedek Sami Nunas Ica
Ngadpada Menyungsung
Ngaturang Palinggih

Om Awighenam Pakulun
Mengarcana Bhetarane
Mengayat Ngaturang Kukus
Meduluran Pangabhakti
Miwah Sahananing Suci
Mangda Ida Ica Nonton
Turun Sakeng Luhur
Kawula Menangkil

Pengradane Keluhur
Maka Pangundang Bhetarane
Asep Menyan Majegau
Ambunyanne Miik Sumirit
Cendana Pada Mesanding
Pemendak Ida Bhetara
Anggene Di Luhur
Ngaran Tiga Sakti

Hyang Sadasiwa Majagau
Hyang Pramasiwa Cendanane
Menyane Bhetara Guru
Kukuse Nepud Ke Langit
Punika Anggen Pemargi
Pacang Turun Ring Kahyangan
Mangda Gelis Rawuh
Manusa Menyiwi

No comments:

Post a Comment