Manuju Tanggal Sasih
Pan Brayut Panemaya
Asigsig Adyus Akramas
Sinalinan Wastra Petak
Mamusti Madayang Batis
Sampun Puput Meprayoga
Tan Aswe Ngemasin Mati
Ikang Lawyan Ginosongan
Ne Istri Tuhu Satya
Den Pamahayun Matingkah
Eteh-Eteh Sang Paratra
Toyo Ening Pabersihan
Mesi Ganda Burat Wangi
Lengisi Pudak Sategal
Sumar Gandha Marebuk Arum
Pusuh Menuhe Utama
Malem Sampun Macawisan
Tekaning Don Intaran
Bebek Wangi Lengis Kapur
Monmon Mirah Windu Sara
Waja Meka Panca Datu
Don Tuwung Sampun Masembar
Sikapa Kalawan Taluh
Buku-Buku Penyolasan
Pagemelane Selaka
Kawangene Panyelawean
Gegelange Satak Seket
Sampun Puput Pabersihan
Winiletang Dening Kasa
Tikeh Alus Wijil Jawa
Lante Maulat Penyalin
Tetindihe Sutra Petak
Riruruban Dening Kasa
Anak Putunya Ngabakti
Ibunya Mungwing Ayun
Ginosongan Punag Lawyan
Kidunge Mewanti-Wanti
Bedil Kulkul Tan Karengwan
Gong Gambang Gender Lan Suling
Tumpang Salu Palinggihan
Kelewaran Dadi Naga
Semu Rimrim Sang Hyang Atma
Tomoni Raga Kurungan
Umunggu Ring Damar Kurung
Nyuluhin Ring Marga Sanga
Tatas Apadang Kang Marga
Mangungsi Swarga Bhuwana
Sanggar Tawange Bantenin
Sapalinggihan Pabaktian
Bedeg Pipis Lan Sangsangan
Salang Mute Salang Pipis
Sada Luwih Lan Ukur Mas
Cecanden Lan Ulap-Ulap
Angenan Mapucuk Manik
Suci Katur Ring Bhetara
Pepek Aturane Genep
Pisang Kembang Pisang Jati
Bebek Katur Ring Bhetara
Pinda Lan Bubuh Pirate
Toyo Pangentase Buatang
Pangelebe Emas Layaran
Ulan Tagene Sumanding
Sampun Puput Pabersihan
No comments:
Post a Comment